我見到（凌鋒）個洗衣籃啦，空氣清新機啦，佢個暖爐啦，佢張床啦，空寥寥嘅書枱，
佢個 speaker——叉緊電，跟住我張床啦，一張好亂嘅床，因爲無位上堂要將啲嘢揼嚟揼去。
跟住張好暖嘅被、長布、我個 mon、我杯水、我頂新買嘅帽、我對陣間會著嘅襪、送比 friend 嘅聖誕禮物、未食完嘅繽紛樂⋯⋯
好多擺設、好多 friend 寄比我嘅名信片同埋⋯⋯一齊影嘅相。跟住仲有，啲洗面嘢呀，牙膏牙刷、煮食用具、咖啡碗。

唔⋯⋯我見到今日啲頭髮好塌，跟住側邊啲頭髮有啲長，可能要修一修。
跟住個黑眼圈越嚟越大，可能尋日瞓得唔係咁好。
跟住⋯⋯今日剃鬚剃得幾乾淨。
然後⋯⋯隻眼有啲無神，無乜精神。
跟住⋯⋯左邊頸今日有啲緊。（啪頸聲）呀，好啲。（啪頸聲）
唔⋯⋯手指——左邊手——左邊無名指之前刮損咗，唔記得咩事。
手指關節同手背好乾、好紅。兩隻手、手指關節、手背都好紅、好乾。
手掌關節都係一樣。要搽啲 hand cream。
跟住⋯⋯手指皮搣得越多，倒刺有啲多。
唔⋯⋯腳趾好凍，手就少少暖。（呼吸聲）