我覺得創作嘅過程好似照緊鏡咁，都係了解自己嘅過程。無論係發現自己嘅一啲特質，定係通過了解別人，然後再發現原來自己同其他人唔同嘅地方，明白每個人的獨特之處。

所以我覺得創作對我嚟講都好似呼吸咁，代表我仲生存緊。因為創作嘅時候代表我需要思考同提出懷疑，不論我思考緊我自己本身抑或觀察不同事物，而思考緊嘅呢個過程就代表我存在緊。