我諗無論任何年齡既人都會怕去面對自己一啲唔熟悉既野，但我地都好努力用自己方法去回應人地，唔需要怕人地覺得你表達得唔好，不斷嘗試去表達同回應，撞撞下板之後，或者會搵到一個大家舒服既相處方式。

Anika 訪問阿好：點解會怕自己跳得唔好？
阿好：我係農村長大，冇讀書，成日耕田，我之前有玩跳舞班但通常都係跟住導師跳舞，好少要自己諗點跳，所以自己唔識亦跳得唔好。

Anika的感想：真正能打擊到自己的自信心嘅只有「你」。其實好多時候我都會懷疑自己，否定自己嘅能力，局限咗自己喺熟悉、習慣嘅事上面，但既然踏出左第一步去嘗試新嘢就要堅持，過程中會遇到挫敗同時認識自己多咗。我期待阿好會同我有一樣嘅感受～

有啲人覺得自己格格不入，所以放棄同人溝通既機會。其實冇人係一拍即合，亦冇話邊種相處方式最好。要改變紮根左係佢幾十年既價值觀需要花好長時間，但我地要堅持話俾佢聽佢既「格格不入」係「獨特」既。